Rahoveci njihet për kultivimin e rrushit. Këto vreshta pritet të vjelën në muajin gusht.
E me këtë rast siç e do rendi rahovecian do organizohet edhe festa e rrushit.
Por kjo komunë nuk e kultivon vetëm rrushin.
Pranvera i nxjerr në ara pothuajse të gjithë banorët e fshatrave.
Njëri ndër ta është edhe Vesir Ukaj nga Malësia e Vogël e Rahovecit.
Ne 50 hektarët e tij këtu ai mbjell misër. Për T7 tregon që ka shfrytëzuar këto ditë me diell të dal pas një kohe të gjatë brenda shtëpisë.
Por Ukaj thotë që të korrat e vitit të kaluar nuk i kanë sjellur shumë fitim atij.
Edhe Naim Haliti nga Krusha e Madhe e Rahovecit e punon tokën për të nxjerrë jetesën.
Haliti tregon që bashkë me familjarët e tij mbjellin perime që t’i shesin pastaj në muajt e verës në Prishtinë.
Haliti tutje thotë që nuk e di se si do të shkojë shitja këtë verë për shkak të covid-19.
Infeksioni covid nuk ka lënë pa prekur edhe bujqësinë, por kjo duket që nuk po i pengon fermërët të mbjellin tokat e tyre.