Është paralajmëruar se takimi i radhës BarCamp, organizuar nga Ipko Foundation në Prishtinë, do të fokusohet tek përdorimi i sarkazmës dhe ironizimit.
Edicioni i 35-të me radhë i BarCamp Prishtina do të mbahet të mërkurën, më 24 shkurt në teatrin Oda në Prishtinë, me fillim nga ora 17:30.
Duke filluar nga Dardan Islami, Valon Maloku e Visar Arifaj, të gjithë folësit do të shpalosin mendimet dhe idetë e tyre mbi këtë temë.
BarCamp është një ngjarje joformale që përkrahet nga komuniteti dhe në mes tjerash i jep shumë rëndësi debatit interaktiv ndërmjet folësit dhe pjesëmarrësve.
Ky eveniment ka për qëllim t’i motivoj pjesëmarrësit që të marrin pjesë në një epokë të re të lidershipit dhe të nisin ndryshime pozitive në shoqëri. Me integrimin e biznesit, teknologjisë dhe temave sociale në një vend, këto ngjarje joformale ofrojnë vendin ideal për ndarje të ideve, zgjerim dhe krijim të lidhjeve të reja shoqërore.