Jose Mourinho, i cili ka qenë i papunë që nga shkarkimi nga Chelsea në dhjetor, do të emërohet trajner i Manchester Unitedit, kështu ka raportuar BBC.
Moskualifikimi i Unitedit në Ligën e Kampionëve ka bërë që krerët e Djajve të Kuq të mendojnë seriozisht shkarkimin e Louis van Gaalit, edhe përkundër se fituan titullin e FA Cup.
Sipas BBC klubi anglez planifikon ta zyrtarizojë Mourinhon në fillim të javës së ardhshme, pasi tashmë i ka thënë Van Gaalit që ky është fundi i tij si menaxher i Unitedit.
Holandezi ka edhe një sezon në kontratën e tij tre vjeçare, por përkundër që ka shpenzuar mbi 323 milionë euro nuk ka arritur të përmbushë pritshmëritë e drejtuesve të klubit dhe të fansave.