13.8 C
Prizren
E mërkurë, 17 Prill, 2024

Begaj: Besoj në fitore edhe më të thellë

RagipBegaj-IQPMKandidati i Iniciativës Qytetare për Malishevën (IQM) për kryetar të kësaj komune, Ragip Begaj, është shprehur i bindur se do të arrijë fitore edhe më të thellë sesa më 3 nëntor. Ai ka thënë se pasi të vijë në detyrën e kryetarit të Malishevës, do të bashkëpunojë me të gjitha partitë politike.
Veriu.info: A e keni pritur këtë rezultat, duke pasur parasysh se keni dalë kandidati më i votuar në Malishevë?
Begaj: Kam pritur rezultat edhe më të fuqishëm, nuk është hera e parë që dal në zgjedhje, edhe herët e kaluara kam pasur një përkrahje të fuqishme të qytetarëve.

Veriu.info: Sa ka ndikuar në këtë mbështetja e Fatmir Limajt?
Begaj: Fatmir Limaj është një njeri i madh i Malishevës dhe i vendit në përgjithësi, pas lirimit nga akuzat e pabaza, ai i dha një përkrahje të fuqishme IQM-së.

Veriu.info: Në raundin e parë të zgjedhjeve, më 3 nëntor, keni marrë 42% të votave, ndërsa kundërkandidati juaj, Salih Morina ka marrë 26% apo thënë ndryshe 5 mijë votave më pak. A ju bën ky fakt t’i hyni me komoditet garës së balotazhit?
Begaj: Qytetarët e Malishevës na kanë dhënë një përkrahje të fuqishme, këtë e dëshmon edhe rezultati i arritur. Në garë nuk duhet të ketë komoditet, por duhet të ketë angazhim deri në finalizimin e fitores më të thellë në rundin e dytë, sepse çdo balotazh është garë nga fillimi.

Veriu.info: A pritni përkrahje nga votuesit, të cilët në zgjedhjet e 3 nëntorit e kanë votuar PDK-në?
Begaj: IQM-ja është e formuar me kërkesën e qytetarëve të Malishevës, ku mbështetje i kanë dhënë shumë anëtarë nga subjektet e ndryshme politike. Ne nuk jemi përjashtues dhe e kërkojmë mbështetjen e të gjithëve, kërkojmë votën e zemrës nga të gjithë ata që na besojnë dhe ia duan të mirën Malishevës.

Veriu.info: Sa jeni të sigurt në fitore?
Begaj: Duke u bazuar në mbështetjen e fuqishme të qytetarëve për IQM-në, besoj në fitore edhe më të thellë.

Veriu.info: Duke pasur parasysh faktin që nëse fitoni, do t’ju duhet të bëni koalicion për Kuvendin Komunal të Malishevës, më të afërt e shihni veten me PDK-në apo LDK-në?
Begaj: Kjo çështje do të shikohet pas 1 dhjetorit. U kam bërë thirrje publike të gjithë anëtarëve të Asamblesë komunale, që partitë politike t’i lënë jashtë dhe brenda Asamblesë të mendojnë dhe të veprojnë për interesin e qytetarëve të Malishevës. Do të bashkëpunoj me të gjithë për të mirën e vendit.

Veriu.info: Nëse Fatmir Limaj dhe Jakup Krasniqi do të formojnë parti, a do t’i bashkohet Iniciativa Qytetare për Malishevën kësaj partie?
Begaj: Ne kemi garuar në zgjedhjet lokale, fushëveprimi ynë është në territorin e Komunës së Malishevës, nuk jam profet ta parashikoj të ardhmen, por kudo që të ketë nevojë për ndryshim për të mirën e vendit, do të jemi përkrahës të së mirës.

Më Shumë

Fisichella: Schumacher është Maradona i F1

Ish-piloti i F1, Giancarlo Fisichella ka folur për Michael Schumacher, duke bërë një krahasim me një tjetër të madh dhe kampion, por të futbollit,...

Barnetta: Xhaka është lider i vërtetë

Bayer Leverkuseni luan sot prej orës 17:30 ndaj Ëerder Bremenit. Me fitore, skuadra e Granit Xhakës shpallet kampione e Bundesligës. Dhe merita të mëdha...

Lajmet e Fundit