Kryetari i Komunës së Malishevës, Ragip Begaj, ka pritur sot në Malishevë, kryetarin e Asociacionit të Komunave të Kosovës (AKK) Naim Ismailin dhe drejtorin ekzekutiv të AKK-së, Sazan Ibrahimi, me të cilët ka biseduar për çështje të ndryshme që lidhen me pushtetin komunal. Kjo vizitë e drejtuesve të AKK-s, është bërë në kuadër të vizitave të rregullta nëpër komuna.
Fillimisht kryetari Begaj, i falënderoi drejtuesit e AKK-së për vizitën, ndërsa i njoftoi ata me të gjitha rrjedhat në pushtetin komunal të Malishevës, si dhe u zotua për vazhdimin e dhënies së kontributit të Malishevës, në këtë asociacion, sikur edhe komunat tjera.Nga ana tjetër, drejtuesit e AKK-së, Ismaili dhe Ibrahimi, biseduan me kryetarin Begaj, për sfidat e pushtetit lokal në tërësi, legjislacionin, harmonizimin e legjislacionit dhe përmirësimin e legjislacionit, pastaj identifikimi i problemeve të ndryshme dhe adresimin e këtyre problemeve në mënyrë që pushteti lokal, të jetë më funksional dhe të fuqizohet roli i komunave.