27.7 C
Prizren
E diel, 6 Korrik, 2025

Begaj: Do të jem bashkë me Fatmir Limaj

RagipBegaj-IQPMRagip Begaj, kryetari i Malishevës, nga Iniciativa Qytetare për Malishevën, ka thënë se do të jetë pjesë e subjektit të ri politik i cili do të krijohet sot nga Fatmir Limaj.
Begaj, gjatë një interviste për Kosovepress, ka theksuar se Limaj ka qenë një nga faktorët kryesor i cili e ka përkrahur dhe mbështetur gjatë fushatës së zgjedhjeve të fundit lokale 2013, dhe sipas tij ka merita për fitoren e tij.

I pari i Malishevës, ka shtuar se me mbështetjen e qytetarëve të Malishevës dhe të gjithë Kosovës, nuk do të mungojë fitorja edhe në nivel vendi, në zgjedhjet e përgjithshme që pritet të mbahen këtë vit.

“Fatmir Limaj, na ka dhënë një mbështetje të fuqishme për fitoren tonë dhe i jam mirënjohës për atë punën. Fatmiri është njeri i madh për neve. Ata do të krijojnë subjektin e ri tash, nuk e kam parë ende programin e tyre nuk e di si do të jetë. Besoj se jam bashkë me Fatmirin, do të jem bashkë me të, sigurisht nuk do të mungojnë fitoret nëse ne angazhohemi dhe nëse e kemi mbështetjen e qytetarëve. Besoj shumë në mbështetjen e qytetarëve të Malishevës por edhe më gjerë”, ka pohuar Begaj.

Ai ka thënë se me ardhjen e tij në krye të komunës ka ndryshuar edhe mënyra e të vepruarit dhe udhëheqjes.

Më Shumë

NGOM Fest nis sonte në Kalanë e Prizrenit

Festivali Ndërkombëtar i Muzikës, NGOM Fest, që është bërë një nga ngjarjet më të rëndësishme muzikore në Kosovë, sonte hap dyert për adhuruesit e...

Vidhet një pistoletë me dy karikatorë dhe 80 fishekë në Suharekë

Një pistoletë me dy karikatorë dhe 80 fishekë raportohet se i është vjedhur një burri në Suharekë. Rasti, sipas policia ka ndodhur të shtunën e...

Lajmet e Fundit