Deputeti nga ‘Nisma’ për Kosovën, Zafir Berisha, ka nënvizuar se simptomat dërgojnë tek ajo se rasti i përgjimeve telefonike mund të jetë edhe një sqarim hesapesh dhe likuidimesh brenda vetë klanit ‘Pronto’, derisa siç tha rreziku po ashtu është se këto procese janë më tepër si të stërzgjatura, ngase sipas tij, kemi rastin konkret të Ramadan Mujës, i cili për 4 vite thuajse dhe po e përfundon mandatin e kryetarit të komunës derisa është i dënuar.
“Këto gjëra të shtyjnë për të dyshuar në efikasitetin e organeve të drejtësisë dhe mungesa e bashkëpunimit, polici- prokurori- gjykata dhe marrja e rasteve edhe në përputhje me ligjin ku janë edhe të afatizuara proceset hetimore dhe gjyqësore lënë për të dyshuar se prokuroria e shtetit në përgjithësi është shumë e ngathët dhe e zbehtë në raport me krimin e organizuar që ka të bëjë me para politikën e partive në pushtet”, ka potencuar deputeti Zafir Berisha për gazetën ‘Kosova Sot’.