22.8 C
Prizren
E shtunë, 15 Qershor, 2024

Berisha: Bjeshkët e Kabashit, zonë turistike

KorishëKandidati për kryetar të Prizrenit nga Bashkimi Demokratik Zafir Berisha,është takuar me banorët e fshatit Korishë dhe Caparc.

Ai premtoi se me ardhjen e Bashkimit Demokratik në pushtet, Bjeshkët e Kabashit do të jenë zonë turistike. “Përmes këtij sektori të ekonomisë do të krijojmë kushte që banorët e kësaj ane, por edhe të Prizrenit, të përfitojnë të mira materiale për një mirëqenie më të mirë”.

Osman Hajdari nënkryetar i BD-së tha se monumentet historike në këtë zonë dhe veqanërisht Kalaja e Kabashit do të jenë në fokusin e BD-së.
“Përmes projekteve konkrete do të joshim vizitorët e shumtë, por edhe turistë nga vendet e tjera, të cilët janë të shumtë në Komunën e Prizrenit, të gjithë ata të cilët vizitojnë këtë zonë, do të kenë mundësinë që në shtëpitë tradicionale në Kabash të kalojnë pushime e tyre”.

Arben Muçaj kandidat nga fshati Korishë,premtoi se do të jetë zëri i tyre në institucionet komunale. “Ky zë i cili për fat të keq ka munguar nga fshati Korishë”.

Kandidati i BD-së për kryetar të Prizrenit, Zafir Berisha me bashkëpunëtorë takim elektoral ka mbajtur edhe në fshatin Caparc. Ai edhe në këtë fshat është pritur nga qindra banorë të këtij fshati./PrizrenPress.com/

 

 

Më Shumë

BIK-u njofton se kur falet Kurban Bajrami

Dita e parë e festës së Kurban Bajramit, është të dielën, më 16 qershor. Bashkësia Islame e Kosovës njofton se manifestimi qendror për territorin...

Konjufca: Lidhja e Prizrenit, njëra prej dy ngjarjeve më të rëndësishme të kombit tonë

Kryetari i Kuvendit të Kosovës, Glauk Konjufca, duke folur për rëndësinë historike të ngjarjes së Lidhjes së Prizrenit, tha se është njëra prej dy...

Sot nis Euro 2024

Lajmet e Fundit