19.8 C
Prizren
E martë, 16 Gusht, 2022

Mustafa: Program të veçantë zhvillimor për Hasin

has gjonajKryetari i Lidhjes Demokratike të Kosovës (LDK), Isa Mustafa, ka thënë të dielën në një takim me banorët e Hasit, se kjo trevë do ta ketë një plan të veçantë zhvillimor, pasi që zgjedhjet e sivjetme lokale në Prizren t’i fitojë LDK-ja, ndërsa vitin e ardhshëm do t’i fitojë zgjedhjet nacionale dhe do ta krijojë qeverinë e re.
“Zona e Hasit i ka dhënë gjithmonë forcë LDK-së dhe do t’i japë në të ardhmen. Për të qenë të ndërgjegjshëm dhe të dinjitetshëm ne do t’i ofrojmë Hasit një qeverisje të mirë. Hasi meriton të jetë pjesë e Prizrenit, por Hasi meriton të jetë edhe komunë në vete. Këtë do ta vendosin banorët e Hasit dhe për këtë do ta kenë mbështetjen e plotë të LDK-së dhe të kryetarit të ardhshëm të Prizrenit, Eqrem Kryeziu”, ka thënë Mustafa.

Ai ka thënë se familjet e Hasit meritojnë një qeverisje më të mirë dhe këtë qeverisje çfarë e meritojnë banorët e kësaj ane, e ofron vetëm LDK-ja.

“Ju keni prijës të mrekullueshëm fetarë me të cilët ju krenoheni, por edhe ne krenohemi me ta, sepse për 24 vite, së bashku me banorët e kësaj ane i kanë qëndruar besnikë LDK-së, dhe parimeve të përcaktuara nga Presidenti Historik Ibrahim Rugova, për liri, pavarësi dhe demokraci”, ka thënë kreu i LDK-së.

Ai ka pohuar se komuna e Prizrenit, e drejtuar nga kryetari i ri, Eqrem Kryeziu, do të kujdeset për programe të veçanta zhvillimore në fushën e infrastrukturës, shëndetësisë, rinisë, sepse rinia juaj e mrekullueshme nuk dallon aspekt nga gjithë rinia e Kosovës dhe rinia e Evropës.

“Motoja jonë është që ne sivjet t’i fitojmë komunat, duke përfshirë Prizrenin dhe shumicën e komunave tjera, jo pse jemi të etur për pushtet, por qytetarët e Prizrenit e meritojnë qeverisjen e LDK-së dhe ne do të bëjmë çdo gjë që t’ua mundësojmë këtë. Prizreni dhe ana e Hasit janë të njohura me traditë dhe kulturë, për të kaluarën dhe për të ardhmen, për kultivimin e vlerave të saj, dhe këto vlera nuk kultivohen më mirë sesa me LDK-në”, ka shtuar kryetari Mustafa,transmeton telegrafi

Në fund, ai ka shtuar se më 3 nëntor do të kemi verdiktin e popullit për qeverisjen e Prizrenit nga LDK-ja, për qeverisjen e Prizrenit nga Eqrem Kryeziu, me të cilin do të krenohemi të gjithë.

Eqrem Kryeziu, kandidat i LDK-së, për kryetar të Prizrenit, falënderoi baballarët e Hasit që i ndejtën besnik LDK-së për çerek shekulli. Ai ka thënë se LDK-së iu deshën disa vite për t’u rimëkëmbur nga vdekje e Presidenti Rugova dhe kjo rimëkëmbje erdhi nga kryetari aktual i LDK-së, Isa Mustafa, i cili është i domosdoshëm për të qenë kryeministër i Kosovës.

Kryeziu ka thënë se pushteti aktual i Prizrenit nuk është i dinjitetshëm për qytetarët e tij, për të bëmat e tyre të cilat i dinë të gjithë. “Prizreni meriton qeverisjen e LDK-së, me të cilën do të mburren të gjithë qytetarët dhe do të ndiheshim krenarë për vendin e tyre”, ka thënë Kryeziu

Më Shumë

Kurti: Kosova është e interesuar për paqe dhe siguri

Pas takimit që zhvilloi Kryeministri Albin Kurti në Doganë të Kosovës tha se është shumë i kënaqur që sot patën vizitë përmbajtësore në Doganën...

Dënohen me 900 euro gjobë tre të akuzuarit që rrahën gjyqtarin gjatë ndeshjes së futbollit në Prizren

Tre të akuzuarit J.V., N.K. dhe G.H., janë dënuar secili me nga 300 euro gjobë, pasi kanë pranuar se në nëntor të 2019-ës, në...

Lajmet e Fundit