Kryetari i Komunës së Prizrenit, Ramadan Muja,do të vazhdon të respektojë pezullimin e detyrës, pavarësisht protestës gjithëpopullore që është mbajtur sot para “Shtëpisë së Bardhë”. Zëdhënësi i Komunës , Ymer Berisha tha se kryetari Muja është i vendosur të respektojë vendimin për pezullim të postit deri në vendimin e Gjykatës së Apelit.
Sipas tij, çdo qytetar, ka të drejtë të protestojë.
“ Protesta e sotme ka qenë e panevojshme,sepse tashmë Muja ka marrë vendim që të pezullojë postin e kryetarit të Prizrenit”, ka thëna Berisha për RTK.
Qytetarë të shumtë kanë protestuar sot kundër kryetarit të Prizrenit, Ramadan Mujës.Ata kanë kërkuar nga Ramadan Muja, që sa më shpejt të japë dorëheqje nga posti i kryetarit të Prizrenit.
Kryetari Ramadan Muja është dënuar 2 vjet me kusht për keqpërdorim të detyrës zyrtare nga Gjykata Themelore në Prizren. /PrizrenPress.com/