Deputeti i Nismës për Kosovën, Zafir Berisha, në emisionin “InfoMgazine” të Klan Kosovës tha se bashkimi i LDK-së me PDK-në është kalkulim karrierist i Isa Mustafës.
Berisha thotë se e njeh mirë liderin e PDK-së, Hashim Thaçin, ndaj thekson se Mustafa nuk do ta ketë postin e kryeministrit.
“I gjithë ky kalkulim është bërë për karrierë individuale të z. Mustafa. Nuk jemi rishtas në jetën politike në Kosovë të mos i dimë dallimet midis LDK-së e PDK-së. Kjo është tendenca e fundit e Isës për të mbetur aktual në politikën e Kosovës”, tha Berisha, duke shtuar se për të koalicioni PDK-LDK është “më i panatyrshmi që ka ndodhur në Kosovë”.
“Vendi nga kjo nuk do të ketë ndonjë të mirë”, tha ai.