Kjo është rruga që të dërgon në pyjet e fshatit Bubavec të Malishevës.
Por kalimin nëpër të e vështirësojnë gjithë këto mbeturina, por edhe kafshët e ngordhura që kanë kundërmim të rëndë.
Ndërkohë, gjendjen e kanë rënduar edhe më shumë kompanitë e betonit të cilat mbetjet i hedhin po në këtë vend. E si i tillë ky ambient po i rrezikon mbi 200 familje të këtij fshati.
Kryetari i fshatit Fehmi Kryeziu po kërkon nga komunarët që sa më shpejt të ndërhyjnë për përmirësimin e ambientit.
E mungesën e kontrollit të plotë shefi i inspektoratit të Malishevës po e arsyeton me faktin që ka vetëm një inspektor të ambientit për krejt komunën. Ndaj ende nuk kanë arritur të gjejnë se cila nga kompanitë e betonit po dëmton pyjet. /Klan Kosova/