16.8 C
Prizren
E enjte, 28 Mars, 2024

Biden nënshkruan përfundimin e emergjencës kombëtare të Covid-19

Presidenti i Amerikës Joe Biden, ka nënshkruar legjislacionin për t’i dhënë fund emergjencës kombëtare për Covid-19, ka deklaruar Shtëpia e Bardhë.

Emergjenca kombëtare ka përfunduar një muaj më herët se sa administrata e Biden ka planifikuar. Votimi për t’i dhënë fund emergjencës kombëtare përpara majit ka bërë që administrata të mbyllë disa nga programet e saj të urgjencës më shpejt gjatë muajve të fundit.

Një zyrtar i Shtëpisë së Bardhë minimizoi ndikimin e projektligjit, duke thënë se përfundimi i urgjencës nuk ndikon në aftësinë për të mbyllur programet e saj në një mënyrë të rregullt.

“Që kur Kongresi votoi për përfundimin e Urgjencës Kombëtare më herët se sa ishte parashikuar, administrata ka punuar për të përshpejtuar mbylljen e saj dhe për njoftuar sa më shumë individët e mundshëm të ndikuar”, tha zyrtari, shkruan The Washington Post.

Projektligji për t’i dhënë fund emergjencës kombëtare e miratoi Senati muajin e kaluar dhe kaloi në Dhomën e Përfaqësuesve në fillim të këtij viti

Më shumë se 1.13 milionë njerëz në SHBA kanë vdekur nga COVID-19 gjatë tre viteve të fundit, sipas Qendrave për Kontrollin dhe Parandalimin e Sëmundjeve, duke përfshirë 1,773 njerëz në javën e kaluar.

Më Shumë

Me 31 vota për e 4 kundër, kalon raporti për Kosovën në Komisionin e KiE-së

Kosova ka marrë dritën jeshile në kërkesën për anëtarësim në Këshillin e Evropës.   Kështu ka bërë të ditur faqja zyrtare e Komisionit për Çështje Politike...

Selmanaj synon shtrirjen e LDK-së në çdo familje të Prizrenit

Kryetari i Lidhjes Demokratike të Kosovës (LDK) në Prizren, Driton Selmanaj, ka bërë thirrje te të gjithë anëtarët e partisë që të bashkohen për...

Dhimbja

Lajmet e Fundit