Presidenti i Shteteve të Bashkuara të Amerikës, Joe Biden, është shprehur pro një armëpushimi ndërmjet Izraelit dhe palestinezëve në Gaza, pas tetë ditës dhune. Biden i tha kryeministrit izraelit, Benjamin Netanyahu, se SHBA-ja po punon me Egjiptin dhe vendet tjera për ndalimin e luftimeve.
Sipas një deklarate të Shtëpisë së Bardhë, Bideni “inkurajoi Izraelin që të bëjë çdo përpjekje për të siguruar mbrojtjen e civilëve të pafajshëm”, shkruan BBC.
“Dy udhëheqësit diskutuan rreth përparimit në operacionet ushtarake të Izraelit kundër Hamasit dhe grupeve të tjera terroriste në Gaza”.
Udhëheqësit botërorë dhe organizatat humanitare kanë bërë thirrje për të parandaluar vdekjet e banorëve dhe kaosin e krijuar nga shkatërrimi i ndërtesave dhe infrastrukturës.