Sapo kishte përfunduar orarin e tij në ndërrimin e natës. Punëtori i pompës së benzinës “Bingo Benz”, ishte nisur për të blerë kafe dhe sheqer për kolegun e tij, rojtar i ndërrimit të natësmirëpo në një gropë e hapur për ndërtime ai ka gjetur edhe vdekjen.
Burime të Indeksonline bëjnë të ditur se rreth orës 22:00, punëtori i pompës së benzinës, kishte përfunduar orarin e tij të punës dhe ishte nisur drejt shtëpisë përmes rrugëve alternative, duke hyrë kështu në rrethin e kompleksit të ndërtesave që njihen si qendra “Ramiz Sadiku” e gjenden në qendër të Prishtinës, në vazhdimin e rrugës Luan Haradinaj.
Uji dhe balta kishin mbuluar atë pjesë, dhe punëtori me inicialet B.J. i moshës 51 vjeçare, kishte rëshqitur në një gropë e cila ishte bërë gati për themelet të edhe një ndërtese duke vdekur në vend.
Për shkak se rasti ka ndodhur në orët e vona të mbrëmjes, konfirmimi zyrtar policor ka qenë i pamundur, ndërsa burime policore nga vendi i ngjarjes kanë njoftuar se aty gjenden forcat e policisë, krim teknikës, ndërsa është njoftuar edhe prokurori kujdestar.