-0.2 C
Prizren
E martë, 29 Nëntor, 2022

Bie në një greminë në Prevallë, ndërron jetë 29 vjeçari

Një 29-vjeçar ka ndërruar jetë pasi që dyshohet se ka rënë në një greminë në bjeshkët e Prevallës,.

Lajmin për Gazetën Sinjali e ka konfirmuar zëdhënësi i policisë për rajonin e Prizrenit, Shaban Osmanollaj, i cili tha se i riu ishte duke mbledhur boronica bashkë me vëllain e tij, kur dyshohet se ka rrëshqitur dhe ka rënë në greminë.

“Sot, me date 29.08.2021, rreth ores 15:00, policia ne Prizren ka pranuar një informacion se në bjeshkët e Prevalles, përderisa dy vëllezër nga fshati Brod i Komunës së Shtërpcës kane qene duke mbledhur boronica, njeri nga ata ka rrëshqitur duke rënë në një greminë disa metra të thellë. Si pasojë e rrëshqitjes i njëjti nuk ka mundur t’u mbijetojë lëndimeve dhe rreth orës 16:40 njësiti i emergjencës, i cili kishte dalë në vendin e ngjarjes, e ka konstatuar vdekjen e viktimës”, tha ai.

Prokurori ka urdhëruar që trupi i pajetë i 29-vjeçarit të dërgohet për obduksion në Institutin e Mjekësisë Ligjore.

“Viktima është i lindur në vitin 1992. Njësitë e nënstacionit policor në Sredske kanë dalë në vendin e ngjarjes, ndërsa hetimet janë duke i zhvilluar hetimet rajonale të policisë në Prizren. Në lidhje me këtë rast është informuar prokurori kujdestar dhe me urdhër të prokurorit, trupi i pajetë është dërguar në IML për obduksion”, bëri të ditur Osmanollaj.

Më Shumë

Gjendet 25-vjeçarja nga Rahoveci, policia thotë se iku nga shtëpia e burrit për të bashkëjetuar me një tjetër

Policia njofton se e njëjta është hasur e shoqëruar nga një burrë me të cilin bashkëjeton që nga koha kur është larguar nga shtëpia...

Vazhdon me intensitet të lartë realizimi i projekteve kapitale në Prizren

Kryetari i Komunës së Prizrenit, Shaqir Totaj, ka mbajtur mbledhjen e përjavshme me drejtorët, ku u raportua për arritjet javore dhe planifikimin për ditët...

Moti për sot

Lajmet e Fundit