Një person në Gjirokastër ka humbur jetën në orët e para të ditës së sotme, në spital. Viktima është Gëzim Malka, 63 vjeç i cili mendohet se pasditen e djeshme ka rënë nga kati i tretë i spitalit të Gjirokastrës ku ishte i shtruar.
Malka nga një fshat i Përmetit është rrëzuar pasditen e djeshme, e shtunë, por nuk u ka mbijetuar dot plagëve të marra, duke ndërruar jetë mëngjesin e së dielës.
Lidhur me rënien e tij, policia po vijon hetimet për të zbardhur më shumë detaje nga ngjarja, ndërsa nuk përjashtohet mundësia që ai të jetë hedhur.