4.8 C
Prizren
E hënë, 22 Prill, 2024

Blatter: Infantino nuk më do mua, ai gënjen

Ish-presidenti i FIFA-s Sepp Blatter, vazhdon të jetë i akuzuar për mashtrim, përvetësim dhe korrupsion, së bashku me ish-presidentin e UEFA-s, Michel Platini-n.

Blatter është rikthyer të flasë dhe këtë herë përsëri ka akuzuar presidentin aktual të FIFA-s, Gianni Infantino, se po përpiqet të shkatërrojë reputacionin e tij, ndërsa këmbëngul se ndërgjegjen e ka të pastër.

Prokurorët kanë kërkuar një dënim prej 20 muajsh burg për dyshen, ndërsa vendimi pritet në fillim të korrikut.

“Dua të pastroj nderin tim. Kur mbërrita nuk ishim asgjë. Dhe kur u largova, ne ishim një organizatë ndërkombëtare, solide në çdo aspekt si, ekonomik, shoqëror, kulturor, madje edhe politikisht”, tha Blatter për RTS.

“Nuk e di pse, por Infantino nuk më do mua. Ai madje përpiqet të krijojë artificialisht një çështje kundër meje. Ai dëshiron të më rrëzojë mua, por edhe gjithçka që kam bërë, sepse ai mendon se po bën më mirë se unë”, shtoi ish-numri 1 i FIFA-s.

“Më duhet të them se jam shumë i prekur nga kjo situatë. Unë jam akuzuar për shumë gjëra, madje jam akuzuar edhe si hajdut. Është absurde. Nuk e di pse e gjej veten në gjykatë dhe jam i sigurt se mijëra, për të mos thënë miliona futbollistë apo pjesëtarë të botës së futbollit nuk e kuptojnë këtë”.

/Albanianpost.com

Më Shumë

Moti sot: I vranët e me shi, rikthehet pluhuri saharian

Këtë të martë në Kosovë pritet të mbajë mot me vranësira të shpeshta dhe me intervale të shkurtra me diell, ku pasdite dhe në...

Moti sot: Me vranësira të shpeshta dhe intervale të shkurta me diell

Moti sot parashihet të jetë me vranësira të shpeshta dhe intervale të shkurta me diell. Pritet që lokalisht të ketë ndonjë reshje të izoluar shiu,...

Lajmet e Fundit