2.5 C
Prizren
E diel, 9 Shkurt, 2025

Borë dhe acar në Britani, paralajmërohet ndërprerje e energjisë e izolim i ndonjë komuniteti

Njerëzve po i kërkohet të mbajnë nën kontroll të moshuarit dhe personat e sëmurë ndërsa i ftohti dhe bora kërcënojnë të shkaktojnë probleme në Britaninë e Madhe.

Një paralajmërim për borë është lëshuar në Anglinë lindore dhe juglindore dhe do të mbetet në fuqi deri mëngjesin e të hënës.

Paralajmërime për borë dhe akull po ashtu janë lëshuar në pjesën më të madhe të Anglisë, Skocisë dhe Uellsit Lindore. Zyrtarët e shërbimit meteorologjik thonë se do të ketë shumë ngjashmëri me Bishën nga lindja të 2018. E gjithë kjo për shkak të një kombinimi të ajrit të ftohtë nga skandinavia dhe Rusia, dhe stuhisë Darcy, që do të sjellë erë dhe borë.

Pjesë të Skocisë kanë regjistruar ndërkohë reshje të mëdha bore ditët e shkuara, me mbi 50 cm borë në disa zona. Akoma më shumë borë pritet në pjesët lindore të Skocisë në vijim me 10 deri në 15 centimetra në disa zona, veçanërisht mbi lartësinë e 200 metrave. Edhe Londra është në alarm me disa zona që mund të shohin gjatë ditës 10-20 centimetra borë.

Ekspertët paralajmërojnë për probleme në udhëtime dhe një shans të vogël për ndërprerje të energjisë elektrike ose izolim të ndonjë komuniteti në zonën lindore dhe perëndimore të Londrës, në jug lindje, veri perëndim dhe jug perëndim të Uellsit po ashtu.

Më Shumë

Vjedhje e rëndë në Dragash, hajnat marrin një arkë nga objekti

Mbrëmjen e së enjtes në Dragash raportohet se persona të panjohur kanë depërtuar me forcë në një objekt, nga ku kanë vjedhur një arkë. Policia...

Posta e Kosovës lëshon pullë postare dedikuar 80-vjetorit të Radio Prishtinës

Sot, më 5 shkurt 2025, Filatelia e Postës së Kosovës ka lëshuar një emision të veçantë pullash postare në nder të 80-vjetorit të Radio...

Lajmet e Fundit