Brikena Krasta, një prej njerëzve më të rëndësishëm dhe profesionistë në Ministrinë e Kulturës, ka dhënë dorëheqjen. Ajo mbante postin e Drejtoreshës së Përgjithshme e Planifikimit Strategjik për Artin dhe Kulturën. Lajmi është konfirmuar për “Gazetën Shqiptare” nga vetë zyra e shtypit pranë ministrisë.
Sipas kësaj zyre, arsyet e dorëheqjes së gruas së Adi Krastës janë personale. Pos saj, mësohet se dorëheqja është dhënë edhe nga një prej varteseve të saj, J. G., Drejtore e Krijimtarisë dhe Edukimit Përmes Kulturës, e sjellë në ministri, po nga Krasta, por kjo e dyta nuk konfirmohet nga Ministria e Kulturës.
Të dy drejtoreshat janë marrë me disa prej projekteve më të rëndësishme të kësaj ministrie, siç ka qenë edhe pritja e Papës, ndërsa së fundi do merreshin me përgatitjet për 70-vjetorin e çlirimit.