Paolo Cannavaro dhe Francesco Totti kanë bërë shaka mes tyre në një bisedë “live” në Intagram. Këtë periudhë kanë qenë të shpeshta diskutimet mes futbollistëve dhe “ish”-ëve, që mundohen të kalojnë kohën në shtëpi dhe kujtojnë edhe episode të së shkuarës.
Dy futbollistë legjenda në Itali nuk mund të mos ngacmojnë miqtë e tyre dhe njëri është Gigi Buffon, i cili edhe vijon të luajë me Juventusin. Sigurisht për të nuk ka minuta si më parë, duke parë që tani i ka mbushur 42 vjeç.
Totti ngacmon i pari, teksa thotë: “Unë mund t’ju them që Gigi dëshiron të luajë deri kur të mbushë 50 vjeç, por mund të luajë edhe dy ose tre sezone të tjera. Për më tepër që është në portë”. Epike përgjigje e ish-fituesit të “Topit të Artë”, i cili thekson se Buffon nuk e lë vetë futbollin/
“Epo ta dini. Ai nuk do që të ndalojë, por ata do ta bëjnë të ndalojë, gjë që është shumë ndryshe”, thotë Cannavaro, i cili tani vijon karrierën si trajner në Kinë, ku u shpall kampion sivjet me Guangzhou Evergrande.
