31.6 C
Prizren
E enjte, 21 Gusht, 2025

Bytyqi: Sivjet, testi i maturës më i mirë se i viteve të kaluara

Rezultatet e testit të maturës sivjet kanë qenë shumë më të mira, krahasuar me vitet e kaluara.

Kështu ka deklaruar ministri i MASHT, Shyqiri Bytyqi gjatë raportimit në Komisioni për Arsim, Shkencë dhe Teknologji.

Përkundër që janë bërë publike disa teste nëpër rrjetet sociale, ai ka thënë se dëmet kanë qenë të vogla, pasi kjo ka ndodhur vetëm në regjionin e Gjilanit.

“Rezultatet e testit të maturës kanë qenë shumë më të mira gjatë këtij viti krahasuar me vitet tjera. Përkundër që është bërë publik nëpër rrjetet sociale kjo ka shkaktuar dëm shumë të vogël pasi që kjo ka ndodhë vetëm në një regjion pra në atë të Gjilanit. Pra, rikujtojmë se testi i maturës është ndarë në katër regjione dhe ka qenë i ndryshëm për secilin regjion”, ka thënë Bytyqi.

Ai më tej ka theksuar se janë marrë masa ndaj atyre që kanë bërë kopjime, duke përjashtuar 56 nxënës dhe se janë përjashtuar 8 administrator.

“Janë marrë masa ndaj atyre që kanë bërë kopjime dhe shpërndarje të testit. Janë përjashtuar nga testi 56 nxënës. Po ashtu janë përjashtuar edhe 8 administrator të cilët nuk kanë të drejtë më për të administruar testin e maturës”, ka shtuar më tej ai.

Më tej ai ka thënë se ka pasur përpjekje që testet të kopjohen dhe shpërndahen edhe në shtypshkronjë kur i kanë dërguar për t’i shtypur, mirëpo kjo gjë është parandaluar nga ana e tyre./

Më Shumë

A do të ketë veprime sindikale në prag të vitit të ri shkollor, dekorohen nga SBASHK-u

Nga Sindikata e Bashkuara e Arsimit, Shkencës dhe Teknologjisë ditë më parë deklaruan se nëse deri më 20 shtator nuk fillon dialogu me MASHT-in,...

Pa ujë përkohësisht: Defekti në gypin e rezervuarit Kobaj prek disa fshatra të Prizrenit

KRU “Hidroregjioni Jugor” Sh.A. njofton konsumatorët se, për shkak të një defekti në gypin Ø125 mm në daljen e rezervuarit Kobaj, do të mbesin...

Lajmet e Fundit