Në fshatin Caparc të Prizrenit ka filluar sot ndërtimi i xhamisë. Kryetari i Bashkësisë Islame në Prizren, Lutfi Ballek tha se ndërtimi I kësaj xhamie do të shërbejë për banorët e këtij fshati.
“Është kënaqësi që Komunës së Prizrenit po i shtohet edhe një xhami, e cila do të shërbejë për banorët e këtij fshati”, tha Ballek.
“Xhamia është një konak për të gjithë”.
I ndjeri Osman Thaçi nga Caparci kishte lënë amanet që të ndërtohet një xhami në fshatin tij. Vëllai i Osmanit, Azemi tregon se për të realizuar këtë amanet ka lëshuar 10 ari tokë.
“Osmani ka lënë amanet që të ndërtojmë një xhami. Unë e kam lëshuar truallin dhe tash presim përkrahje nga të tjerët”./TV Besa/