Trajneri i Real Madrid-it, Carlo Ancelotti foli pas ndeshjes me Manchester City-n, ku skuadra e tij humbi 4-3. Gazetarët pyetën italianin për lajmet mbi transferimin e Antonio Rudiger-it në “Santiago Bernabeu”.
Duke refuzuar të jepte më shumë shpjegime rreth transferimit të futbollistit të Chelsea-t në Madrid, tekniku tha për “BeIN Sports” se “Kush është ky?”.
Sigurisht që Ancelotti e njeh mirë gjermanin, pasi ishte vetë kërkesa e tij që ai të kalonte te Real Madrid-it. Në një kohë kur këta të fundit hoqën dorë nga transferimi i tij, për t’u rikthyer përsëri pas përballjes me Chelsea-n në çerekfinalen e Champions League.
Duke vijuar më tej, trajneri italian refuzoi diskutimet mbi mbrojtësin.
“Ai është një lojtar i Chelseat, ai është ende një lojtar i Chelseat. Nuk mund të them asgjë për këtë”, theksoi Ancelotti.
Rudiger është në muajit e fundit të kontratës me Chelsea-n dhe ai pritet të kalojë te Real Madrid-i në verë si transferim i lirë. Kontrata e gjermanit do të jetë katërvjeçare dhe me një pagë javore mbi 230 mijë funte, raporton “Daily Mail”.
Manchester United, Barcelona, ??Paris Saint-Germain dhe Juventus ishin gjithashtu të interesuar për Rudiger-in.
/Albanianpost.com