10.8 C
Prizren
E premte, 10 Janar, 2025

Çeku: Në veri ka përplasje me kriminalitetin

“Çështja e veriut, është çështje ndërmjet kriminalitetit dhe institucioneve që luftojnë atë dhe nuk është çështje ndëretnikë në mes shqiptarëve dhe serbëve”, ka thekuar ministri i Kulturës, Hajrulla Çeku në RTV Dukagjini në “Debat plus”.

Ai ka folur për barrikadat në katër komunat veriore të Kosovës, ku ka thënë se situata është më e komplikuar dhe nevojite koordinimi me KFOR-in për largimin e tyre.

“Situata në veri të Kosovës është pak me ndryshe sesa në vendet tjera, sidomos në kohën e fundit, edhe çdo veprimi atje nëse bëhet në kohën e gabuar mundë të sjellë pasoja të madhja”, ka thënë Çeku.

Sipas tij, të gjitha institucionet janë në krye të detyrës edhe janë duke bërë analiza edhe vlerësime për situatën në veri të Kosovës.

“Unë besoj që koordinimi me KFOR-in dhe me të gjithë bashkësinë ndërkombëtare në këto veprime është i domosdoshëm, edhe këtë është duke bërë Qeveria e Kosovës”, është shprehur ai.

Më tej, ai ka thënë se largimi barrikadave duhet të ndodhe por sipas tij “duhet të bëhet në mënyrën më të mirë që të mos këtë pasoja të padëshiruara për vendin dhe për sigurinë e qytetarëve në atë pjesë të Kosovës”, raporton dukagjini.com.

Tutje, Çeku ka thënë se kjo situatë nuk duhet të këtë ndikimi në dialogun ndërmjet Kosovës dhe Serbisë.

“Barrikadat janë duke i vështirësuar jetën qytetarëve atje edhe jo vetëm shqiptarëve por edhe serbëve, si pasojë e barrikadave ku qytetarët serbë nuk kanë mundur të marrin as shërbimet bazike mjekësorë”, ka përfunduar Çeku.

Më Shumë

PDK mban tubim në Romajë të Hasit, Shaqir Totaj: Hasi mbetet shtyllë e fuqishme e fitores

Kryetari i Degës së Partisë Demokratike të Kosovës (PDK) në Prizren, Shaqir Totaj, ka bërë të ditur përmes një postimi se  në shkollën “Bajram...

67 aksidente për 24 orë, 23 prej tyre me të lënduar

Në 24 orët e fundit në Kosovë kanë ndodhur 67 aksidente trafiku. Në raportin e policisë thuhet se 23 aksidente janë me të lënduar, ndërsa...

Lajmet e Fundit