Shkruan: Fatmir Pireci
Me shpërbërjen e Kuvendit të Republkikës së Kosovës gjatë javës së kaluar, Presidentja , znj. A. Jahjaga sipas obligimit kushtetues ka shpallur 8 qershorin 2014, ditë për mbajtjen e zgjedhjeve nacionale për legjislacionin e ri. Me që është kohë shumë e shkutër për të mobilizuar elektoratin zgjedhor, është më se i nevojshëm vetëdijsimi dhe ndërgjegjësimi ynë se çfarë kahje do ti japim zhvillimit tonë socio-ekonomik, kulturo-shoqërorë, ngritjes së mirëqenies së tërësishme për të gjithë qytetarët e vendit si dhe përfshirjen dhe ngritjen e kapaciteteve humane kadrovike në avancimin e vlerave të shtetësisë së Kosovës , në aftësimin edhe më të denjë të komunikimit në marrëdhëniet ndërkomëtare për katër vjeçarin e ardhshëm. Atëhere, trupi zgjedhor kosovarë tashmë ka një përvojë të duhur sa i përket formës mekanike të votimit, por , mungon identifikimi i identitetit shtetëror i shtetësisë i shprehur në institucionin e shtetit!
Pikërishtë, në këtë çasje partitë politike pritet ta shtrijnë aktivitetin e tyre në fushatën zgjedhore të kësaj rradhe, duke u imponuar me kinse emra të rinjë të suksesit nga fusha të ndyshme të veprimtarisë; politike, ekonomike, kulturore, shkencore , etj. Esenca e këtij marketingu i partive politike do të jetë vetëm marrja e pushtetit, përderisa votuesi ynë, përmes votës nuk e imponon një qeverisje ndryshe nga ato të deritashmet. Deri diku, votuesi dëshmoi se është sovrani i orientimit të ardhshëm zhvillimor në zgjedhjet e kaluara lokale. Por, kësaj rradhe zgjedhjet nacionale do të jenë më të veçanta, për shkakun se Kosova është në angazhimet historike ndëkombëtare në regjion dhe në integrimet euro-atlantike. Përvojat e deritashme në këto aranzhmane shtatë vjeçare flasin për një ritje organizative shtetërore të lakmueshme të shoqërisë qytetare kosovare. Krahasuar me disa shtete te regjionit apo më mirë të thuash, karshi disa ish-njësive federale të ish-Jugosllavisë, Kosova qëndron më e avancuar në shumë segmente shoqërore dhe shtetërore !
Dhe, ky moment është votë historike për secilin votues të Republikës së Kosovës , është fati i ardhmërisë së shoqërisë kosovare si tërësi. Ardhmëria e jonë kolektive, do të varet pikërishtë nga vota e 8 qershorit, nga secili prej nesh me të drejtë vote.Mu për këtë, e kemi obligim të votojmë nga se indiferenca ndaj këtij akti solemn për secilin qytetarë e suprimon të drejtën e kërkesës për cilësi më të avancuar të jetesës, për liri, barazi dhe drejtësi institucionale.
Tek ne, në Kosovë gadi të gjitha partitë politike janë profilizuar nga spektri i djathtë, por fatëkeqësisht veprimet e strukturës organizative politike i kanë tërësishtë majtiste-oligarkike.
Ende grupet oligarhike partiake nuk i japin hapësirë shtrirjes horizontale në bazë të gjërë të demokracisë e as frymimit të vlerave individuale kreative, duke e ngulfatur idenë inovative të identitetit të shtetësisë të organizuar në shtet si organizimin më të lartë shoqëror. Ky relikt i konceptit totalitar stalinist, tek e fundit është “cilësia” ballkanike e të qeverisurit me shtetin. Është një shpresë për një optimizëm, se në zgjedhjet e fundit lokale e nacionale, në disa shtete të regjionit pati shtrirje më të gjërë të demokracisë horizontale. Mirëpo, në Kosovë, pothuaj gadi në të gjitha subjektet politke vërehet mbyllja e brendshme, mosfunsionimi i mekanizmit për promovimin e vlerave bashkëkohore demokratike, ngulfatet iniciativa, kualiteti politik dhe profesional, debati kulturor-politk (e jo anarkia miope politike).
Grupet joformale oligarkike i marrin si despotët feudal frrerët e vendimmarrjes në duar të veta. Në këtë pikë të vendimmarrjes rolin e vetë të shenjtë e ka votuesi -sovrani! Vota e sovranit duhet ta edukojë dhe ti qytetrojë subjektet e strukturave organizative të partive politke. Të mësyerit për në Parlamentin nacional kursesi nuk duhet të trajothet si vend pune i zakonshëm, por vend i përfaqësimit, obligimit, përgjegjshmërisë, ndërgjegjshmërisë, ndershmërisë dhe dijes adekuate shkencore dhe profesionale, nga se nga vendimet e parlamentit të shprehura në norma ligjore do të varet cilësia e jetës, e mirëqenies dhe e begatisë sonë individuale dhe kolektive.