Bernardo Silva po kërkon të largohet nga Manchester City këtë verë. Portugezi synon të ndryshojë ambient dhe Barcelona është destinacioni i preferuar.
Sipas mediave britanike, City ka pranuar ofertën e Barcelona-s prej 46 milionë paund. Por, klubi e ka hedhur poshtë këtë pretendim.
“Qytetarët” kërkojnë 80 milionë euro për ta lënë të lirë mesfushorin edhe pse Pep Guardiola tha publikisht se dëshironte ta mbante gjatë Silva-n.
Një lëvizje e Silva-s drejt “Camp Nou” për shifrën që kërkon City duket e pamundur momentalisht, pas vështirësive ekonomike që ata kanë.
27-vjeçari ka dhe dy vite kontratë me City-n. Këta të fundit shpenzuan 50 milionë euro për ta transferuar nga Monaco në 2017.
Gjatë kohës së tij në “Eihad”, Silva numëron 251 paraqitje, 48 gola dhe 51 asistime.
/Albanianpost.com