Mbrëmë ne RTK ka filluar seriali më i ri vendor “Çka ka shpija”.
Seriali i ri humoristik “Çka ka shpija” vjen ekskluzivisht çdo të hënë në RTK 1. Skenarin e këtij seriali e ka bërë Astrit Kabashi, regjinë Zana Radogoshi, derisa producent është Naser Rafuna. Në këtë serial janë të përfshirë aktorët e mirënjohur Leze Qena, Adem Mikollovci, Gresa Pallaska, Irena Cahani, Naser Rafuna, Orik Morina , Majlinda Kasumovic, Dardan Gashi etj.
Qysh në episodin e parë ky serial ka arritur ta bëjë publikun për vete, pasi është parë një gërshetim i kulturave brenda një familje, sikurse është familja në serialin “Çka ka shpija”.
E veçanta e këtij seriali është se shikuesit kanë rastin të shohin aktorët e njohur, por të transformuar krejtësisht në rolet e “Çka ka shpija”, siç është rasti me aktoren Irena Cahani, e cila luan një karakter krejt ndryshe me ato të mëparshmet.
Seriali “Çka ka shpija”, me producent Naser Rafuna do të transmetohet çdo të hënë në RTK 1 dhe pa dyshim batutat e aktorëve do t’iu bëjnë të qeshni pa masë. Po ashtu të gjitha episodet e këtij seriali do të mund t’i shikoni në vazhdimësi edhe në kanalin zyrtar të RTK-së në youtube dhe në ueb faqen rtklive.com.