Qeveria e Kosovës e ka në plan të ndalojë migrimin ilegal me fjalë. Ministri i Integrimeve Evropiane, Bekim Çollaku, ditë me parë ka thënë se kjo Qeveri do të formojë Task Forcë për të ndaluar këtë fenomen social, shkruan Koha Ditore.
Bashkëpartiakët e tij, opozita dhe shoqëria civile jo vetëm se nuk e kanë përkrahur krijimin e një Task Force, por e kanë cilësuar të gabueshme këtë formë të luftimit të migrimi ilegal.
Nënkryetari i Kuvendit të Kosovës, Xhavit Haliti, ka thënë se deklaratën e bashkëpartiakut të tij, Çollakut, e ka lexuar në gazetë dhe përtej saj nuk dinë asgjë më shumë.
Ai ka deklaruar se Qeveria e Kosovës mund ta ndalë migrimin ilegal duke zbutur papunësinë dhe duke zhvilluar ekonominë.
E konsideron krejt normale që qytetarët të dalin jashtë Kosovës për të punuar për të ardhura më të mira, por jo edhe kërkesat për azil, meqë vlerëson se Kosova është vend i sigurt për të gjithë qytetarët