16.8 C
Prizren
E premte, 29 Mars, 2024

Conte: Mentaliteti fitues nuk mund të blihet

Trajneri i Tottenhamit, Antonio Conte dukshëm i nervozuar me humbjen e radhës 0-2 ndaj Wolves ka deklaruar “se është e pamundur që një skuadër që shpreson të luftojë për njërën nga 4 vendet e para që të shpien në  Ligën e Kampionëve, të humbasë ndeshjet siç kanë bërë Spurs kohët e fundit”.

 

Humbja 2-0 e së dielës në shtëpi ndaj Wolverhampton Wanderers ishte humbja e tretë radhazi e Tottenham në Premier Ligën Angleze. Kjo i ka zhvendosur ata në vendin e 8-të në tabelë me një deficit prej 5 pikëve larg katër ekipeve të para, megjithëse me tre ndeshje më pak se West Ham që momentalisht radhitet në vendin e katërt.

“Që nga ardhja ime këtu ju them se ne duhet të luftojmë në çdo lojë”, tha Conte, i cili mori drejtimin e klubit nga veri-lindja e Londrës në nëntor të 2021 pasi bosi i Spurs, David Levy i dëshpëruar nga rezultatet e arritura në fillim të kampionatit, përjashtoi portugezin Nuno Espirito Santo.

Duke folur për Sky Sports, ndër tjerash Conte u shpreh se “është e pamundur që një skuadër që dëshiron të luftojë për Ligën e Kampionëve të humb dy ndeshje radhazi në shtëpi dhe një ndeshje si mysafir (kundër Chelseat)”.

Tottenham pas ardhjes së Conte pati një seri të suksesshme duke qëndruar i pamposhtur në nëntë ndeshje radhazi në Premier League por tash ka radhitur 3 humbje radhazi.

Italiani thotë se do të duhet kohë për të zhvilluar një ekip të aftë për të besuar se mund të fitojë rregullisht. “Problemi është se nuk mund të blesh mentalitetin fitues,” ka deklaruar Conte për Sky Sports.

 

Më Shumë

Ish-zëvendësministri për vrasjet në Kosovë: Duhet të angazhohet edhe AKI-ja, kjo është shndërruar në problem kombëtar

Ish-zëvendësministri i Punëve të Brendshme, Valdet Hoxha, ka folur mbi ngjarjet e fundit në vend, ku është rritur numri i vrasjeve. Ai tha se pjesën...

Masakra në Krushë të Madhe nga forcat serbe, i mbijetuari Elshani rrëfen se çfarë ndodhi para 25 vitesh

I mbijetuari i masakrës në Krushë të Madhe, Selami Elshani ka rrëfyer në detaje atë se çfarë ndodhi para 25 vitesh në masakrën që...

Pse shkove

Lajmet e Fundit