Hymni kombëtar shqiptar i interpretuar live para një audience botërore e i transmetuar drejtpërdrejt në kanalin prestigjioz botëror Eurosport ka ardhur mbrëmë para meçit të kampionit shqiptar Nuri Seferi, në interpretim të këngëtarit të njohur mbarë shqiptar Ramadan Krasniqi-Dani.
Interpretimi në ring i himnit kombëtar, nga Ramadan Krasniqi-Dani, pos që shtangu miliona shikues të këtij kanali ngriti edhe adrenalinën tek çdo familje shqiptare e siç duket më së shumti tek boksieri shqiptar Nuri Seferi i cili më pas në këtë meç ka kthyer titullin e kampionit evropian ne boks.
Për boksierin 37-vjeçar nga Gostivari kjo ishte përballja e 42, nga të cilat i ka fituar 36 dhe i ka humbur gjashtë.