Përballja mes Dardanëve dhe izraelitëve, është luajtur në një terren të vështirë dhe në pranin e rreth 5 mijë tifozëve.

Kombëtarja jonë bëri ndeshje mjaft të mirë, ndonëse me disa mungesa të disa lojtarëve tonë për shkak të angazhimeve të tyre me klubet përkatëse.

Futbollistët e Kombëtares sonë në pjesën e parë, kishin iniciative në terren, e kërkuan më shumë golin të cilin e gjetën përmes Milot Rashicës në minutën e 41-të, rezultat më të cilin skuadrat shkuan në pushim.

Edhe në pjesëlojën e dytë, Kombëtarja jonë u shfaq disa herë e rrezikshme, duke krijuar disa raste të mira përmes Vedat Muriqit, Milot Rashicës dhe Krasniqit, por që në momentet vendimtare nuk u treguan të sakta në rastet e krijuara.

Edhe skuadra mike më të gjitha forcat e kërkoi rrugën e golit, megjithatë, mbrojtja jonë assesi nuk u thye.

Përfundimisht Kosova mund Izraelin me rezultat 1-0, dhe kjo është fitorja e dytë e Kombëtares sonë në këtë cikël të garave.

Kosova tani ka dhjetë pikë në vendin e katërt, një me pak se Izraeli, kurse, Romania kryeson Grupin I me 16 pikë, një më shumë së Zvicra.

Kosova sfidën e radhës do ta luajë me 18 nëntor në Bazel kundër Zvicrës.

Rashica ‘ngrin’ Izraelin

(E plotësuar) Kosova ka kaluar në epërsi ndaj Izraelit prej 1-0.

Dardanët dhe izraelitët po luajnë në “Fadil Vokrri” në kuadër të kualifikueseve për EURO 2024.

Është Milot Rashica, i cili në minutën e 41-të shënon gol për të kaluar Kosovën në epërsi në duel me Izraelin.