Muzeu i Kosovës, në bashkëpunim me Departamentin e Etnologjisë dhe Antropologjisë Kulturore, të Universitetit të Prishtinës, fillon sot serinë e debateve të antropologjisë muzeore,
Debati i parë zhvillohet nga ora 18:00-20:00, në Lapidariumin e Muzeut të Kosovës, me temën: “Dokumentimi audiovizuel në Muze”.
Seria e debateve do të ketë tri qëllime kryesore: Promovimin e kulturës së debatit për trashëgiminë kulturore të Kosovës; Përfshirjen e gjeneratës së re dhe të profesionistëve në hartimin e politikave kulturore në vend; Forcimin e bashkëpunimit ndërmjet Muzeut të Kosovës dhe institucioneve shkollore dhe akademike në vend;
Pjesëmarrës në debat do të jenë studentët e Departamentit të Antropologjisë dhe zyrtarë të institucioneve kulturore.
Debati i dytë do të zhvillohet me datë 30 qershor 2016, për të vazhduar më pas nga muaji shtator, për çdo javë, me trajtimin e temave të ndryshme me interes për Muzeun e Kosovës dhe Departamentin e Antropologjisë Kulturore të Universitetit të Prishtinës. /PrizrenPress.com/