Në kuadër të aktiviteteve të festës së rinisë dhe qytetarëve “Festari 2016” sot është organizuar defileu tradicional rrugës kryesore të qytetit të Suharekës.
Pjesë e këtij defileu ishin anëtarë të të gjitha Shoqërive Kulturo-artistike të Komunës, Institucione shkollore, OJQ, Klube sportive dhe Shoqata të ndryshme suharekase.
Ndërkaq pas defileut u organizua edhe ekspozita e prodhimeve bujqësore, ushqimit të traditës, rrushit dhe mjaltit ku janë ekspozuar shumë prodhime të cilat kanë qenë pjesë e “Festarit” të sivjetëm.
Këtë ekspozitë e kanë vizituar mijëra vetë, përfshi këtu edhe delegacione të ndryshme. Janë organizuar edhe lojra të ndryshme popullore si tërheqja e litarit pastaj gjuajtje me shigjetë dhe me pushkë ajrore. /PrizrenPress.com/
