Giuseppe Conte, kryeministri i Italisë, i ka hapur një derë futbollit dhe sporteve të tjera, teksa ka folur për “Fatto Quotidiano”. Nëse është programuar një takim i rëndësishëm dhe mbetet të shihet se çfarë do të ndodhë.
“Do të mbledhim botën e sportit dhe të futbollit, së bashku me Ministrin e Sportit, Vincenzo Spadafora, në mënyrë që të ndërmarrim veprime. Do mbajmë shënim kërkesat nga FIGC (Federata Italiane e Futbollit) dhe federatat e tjera, për të pasur parasysh një pamje të përbashkët për rikthimin e aktiviteteve sportive.
Ende nuk jam marrë me futbollin, por ne do të dëgjojmë dhe do të gjejmë gjuhën e përbashkët. Ministri i Sportit, Spadafora, ka bërë një punë të shkëlqyer, por është e drejtë që të lejohen të gjithë aktorët e futbollit dhe të sportit të përballen me qeverinë në nivelet më të larta.
Natyrisht duke mbajtur parasysh rekomandimet e Komitetit Shkencor Teknik”, është shprehur Conte. Gjatë kësaj periudhe ka pasur shumë polemika, teksa kanë qenë disa klube që kanë replikuar me Ministrin Spadofora, i cili madje dje u kritikua edhe nga ish-kryeministri, Matteo Renzi.