Demokracia në Veprim në Rajonin e Prizrenit, është duke u përgatitur që ta monitorojë procesin e votimit me 11 qershor. Në secilin nga 521 vendvotimet, në 6 Komuna të Rajonit të Prizrenit, Demokracia në Veprim do t’i ketë vëzhguesit e vet.
Naim Cahani, zyrtar i KDI-së në Prizren, tha për Gazetaere se “KDI si lidere e rrjetit të organizatave monitoruese Demokracia ne Veprim do të jetë përgjegjëse në monitorimin e procesit zgjedhor në komunat e rajonit të Prizrenit”.
“Në zgjedhjet e 11 qershorit do të mbulohen të gjitha qendrat e votimit që në Rajonin e Prizrenit janë 521”, tha Cahani.
Cahani njofton se procesi i monitorimit të fushatës ka filluar. Janë të angazhuar 10 monitorues afatgjatë për 6 komunat e Rajonit të Prizrenit si dhe janë rekrutuar vëzhguesit afatshkurtër (vëzhguesit ditor të procesit të votimit dhe numërimit).
“Jemi në fazën e trajnimeve për këta vëzhgues”, njofton Cahani.