Deputeti i Lëvizjes Vetëvendosje, Arbër Rexhaj, e ka vlerësuar dëshpëruese vendimin lirues të ish-drejtorit të Arsimit në Prizren, Nexhat Çoçaj .
Sipas tij, institucionet e drejtësisë janë të kapura nga “të fortët”.
Ish-drejtori i arsimit në Prizren, Nexhat Çoçaj, bashkë me të akuzuarit tjerë është shpallur i pafajshëm nga Gjykata Themelore e Prizrenit.
“Vite më parë patëm ngritur kallëzim penal për shpërdorim të detyrës zyrtare me rastin e “Javës së Remzi Ademajt”. Shumë herë pata dëshmuar, herë si dëshmitar i prokurorit, herë si dëshmitar i mbrojtjes (në rastin e Abdullahut).”, shkruan Rexhaj në “Facebook”.
“U dënua Abdullah Thaqi, atëkohë punëtor në “Pro Credit Bank”. Institucionet e drejtësisë dënojnë ata që nuk duhet dhe i shpallin të pafajshëm ata që abuzojnë detyrën zyrtare”.
“Kjo Republikë me këto institucione të kapura të drejtësisë po e dërgon Kosovën në një vend të pasigurt ku “të fortët” ligjin tashmë nuk e konsiderojnë si llastiku, por e kanë bërë llastik”.
“Dëshpëruese!”
/PrizrenPress.com/