Tashmë ka shkuar në dhjetë numri i vatrave të zjarrit në fshatrat e Prizrenit.
Drejtoresha për Emergjenca dhe Shpëtim e Komunës së Prizrenit, Ramize Shala, thotë se era fortë është duke e përhapur zjarrin, dhe se për momentin aktive janë 10 vatra zjarri
Ajo ka thënë se ende nuk dihen shkaqet e rënies së zjarrit
“Të gjitha ekipet e zjarrfikësve janë në terren, madje edhe ato ekipe jashtë orarit të punës. Gjithsejtë 7 ekipe janë në terren”, tha Shala për RTK.
Përfshihen në flakë malet në rrethin e Prizrenit
Një zjarr ka rënë në orët e pasdites, afër fshatit Noviselan të Prizrenit.
Drejtoresha për Emergjenca dhe Shpëtim e komunës së Prizrenit, Ramize Shala ka thënë se tashmë ekipet e zjarrfikësve janë në terren dhe se siç ka njoftuar ajo , zjarri është lokalizuar.