Studentët e Universitetit “Ukshin Hoti” në Prizren, mund t’i paraqesin provimet, të përcjellin rezultatin e tyre, pagesat dhe të kryejnë një sërë shërbimesh tjera online.
Ushtruesi i detyrës së Rektorit të Universitetit të Prizrenit “Ukshin Hoti” , dr.Sehadin Shemsedini dhe Sekretari i Përgjithshëm, Adem Sallauka, të hënën kanë shpërndarë ID-kartelat për studentët e vitit të parë të gjeneratës 2013/2014, përmes të cilave ata do të mund të qasen në sistemin online.
Shemsedini e vlerësoi si hapë të madh të suksesit, digjitalizimin e universitetit.
“Tani e tuje studentët më nuk do të presin në sportele për të bërë paraqitjen e provimeve dhe për të kryer shërbime të ndryshme administrative, por të gjitha do t’i kryejnë online”
“Kjo mënyrë i ofron studentit qasje në të gjitha shërbimet që i ofrohen studentëve në sistem”.
Shërbimet kryesore të sistemit janë: zgjedhja e lëndëve obligative dhe zgjedhore te mësimdhënësi përkatës ku ai ka ndjekur ligjëratat, Paraqitja e provimeve, Rezultatet, Pagesat, Transkripta e notave./PrizrenPress.com/