27 C
Prizren
E premte, 13 Qershor, 2025

Distria Krasniqi ngjitet në vend të parë në renditjen botërore

Federata Ndërkombëtare e Xhudos (IJF), ka publikuar sot renditjen më të re olimpike. Pas garës së Grand Slamit të mbajtur në tri ditët e fundit në Budapest të Hungarisë, xhudistët kosovarë kanë shënuar ngritje.

Distria Krasniqi ka dal e para në kategorinë deri në 48 kilogramë, pas medaljes së artë të fituar të premten. Krasniqi mori 1 mijë pikë të reja, duke e çuar në 6765 numrin e pikëve në total, me të cilat la prapa dy herë kampionen e botës, Daria Bilodid.

Loriana Kuka, që fitoi medaljen e bronztë, ka dalë e 13-ta me 3463 pikë në kategorinë -78 kilogramë.

Akil Gjakova është i 10-ti në kategorinë -73 kilogramë, duke tubuar gjithsej 3447 pikë.

Majlinda Kelmendi, e cila nuk mori pjesë në Grand Slamin e Budapestit, ndodhet e pesta me 4152 pikë në kategorinë -52 kg. Të pesë xhudistët ndodhen brenda normës olimpike Tokio 2020.

Xhudistja Laura Fazliu, e cila po e kërkon normën Olimpike, me pikët e fituara në Grand Slam, është ngritur për tetë vende, duke kaluar në pozitën e 55-të. Për të fituar normën Olimpike, asaj i duhet të jetë diku në mesin e 30 xhudistëve në renditjen olimpike.

Gara e ardhshme për ekipin olimpik është kampionati evropian, që mbahet prej 19-21 nëntor në Pragë të Çekisë.

Më Shumë

Fundjava shënon fluksin më të madh në Pikën Kufitare të Morinës, mbërrijnë edhe tifozë të zjarrtë të Kombëtares Shqiptare

Fundjava ka sjellë fluksin më të madh të lëvizjeve në Pikën Kufitare të Morinës për këtë sezon veror, me rreth 56 mijë qytetarë që...

Policia shqiptoi për 24 orë, 1577 gjoba në trafik

Policia e Kosovës njofton se për 24 orë, ka shqiptuar 1577 gjoba në trafik. Sipas policisë, gjatë 24 orëve të fundit janë evidentuar disa aksidente...

Lajmet e Fundit