“DokuFest 2014” ka shpallur sot hapjen e akreditimit për gazetarët lokal dhe ndërkombëtar. Akreditimi është i hapur për gazetarët e të gjitha fushave të mediave – print, online, TV, radio dhe fotografi. Afati i fundit për të aplikuar online është data 10 gusht 2014.
“Të gjithë gazetarët që kanë aplikuar për akreditim mund të marrin bexhat e tyre dhe paketën mediale në Media Qendrën e DokuFest që nga data 15 gusht 2014”, njofton drejtuesja e komunikimit të “DokuFest”-it, Nita Deda.
“Akreditimi nënkupton të drejtën e gazetarëve për të shfrytëzuar Media Qendrën si dhe ofron prioritet në intervistimin e mysafirëve të festivalit. Zyra e Press do të ju ndihmojë në koordinimin e intervistave me stafin dhe mysafirët e festivalit”.
Gazetarët e interesuar mund të aplikojnë për akreditim në web faqen e “DokuFest”: http://dokufest.com/2014/sq/attend/press-accreditation/
Edicioni i 13-të i “DokuFest” do të mbahet nga data 16-24 gusht në Prizren, Kosovë. Program i plotë i festivalit do të shpallet më 24 korrik në ueb faqen e festivalit. /PrizrenPress.com/