Edicioni i 14-të i Festivalit Ndërkombëtar të Filmit Dokumentar dhe atij të Shkurtër DokuFest u mbyll me 16 Gusht, pas 10 ditë vënje të reja rekordesh. Rekord i ri që na bën krenar u vu në shfaqjen e 228 filmave të metrazhit të gjatë dhe atyre të shkurtër, nga të cilet 124 ishin në garë.
Ka ende rekorde të vëna në këtë edicion të DokuFestit, si ajo e 14,000 biletave të shitura për filmat e shfaqur nëpër kinema, apo 17,000 vizitorë të DokuNights, ku u sigurua po ky numër i njerëzve që vallëzuan deri në orët e mëngjesit.
Krejt në fund, por jo më pak i rëndësishëm është rekordi më i vlefshëm dhe i përzemërt i këtij edicioni, është ai i numrit rekord i 90 koordinatorëve dhe 120 vullnetarëve të cilët punuan në 7 kinema, 11 panele dhe masterklasa, 8 punëtori dhe një numër tepër të madh të akitiviteteve në festival.
Drejtori artistik i DokuFestit, Veton Nurkollari tha se e adhurojnë dashninë e tyne, energjinë dhe përkushtimin për ta bërë DokuFestin një ndër më t’mirët në hartën e ngjarjeve kulturore në botë.
“Ne e adhurojmë dashninë e tyne, energjinë dhe përkushtimin për ta bërë festivalin tonë një ndër më t’mirët në hartën e ngjarjeve kulturore në botë, një burim inspirimi për ne dhe një unvers kujtimesh të bukra që i ndajmë bashkë”, tha drejtori artistik i DokuFestit, Veton Nurkollari. /PrizrenPress.com/