17.8 C
Prizren
E diel, 14 Gusht, 2022

“DokuKino”, u hap kinemaja e Prizrenit

Prizren-DokuKinoNë ceremoninë e hapjes së Kinemasë së Prizrenit morën pjesë ambasadorë, përfaqësues të Komunës së Prizrenit, personalitete nga sfera e artit në Kosovë, dhe përfaqesues të mediave.Programi i DokuKino, përveç filmave hollivudian dhe më të ri do të përfshij edhe filmat më të suksesshëm dokumentar të shfaqur në DokuFest si dhe filma të pavarur.

Nata e 3 dhjetorit shënoi rikthimin e ekranit të madh të kinemasë në qytetin e Prizrenit. DokuKino, një kinema me teknologjinë 3D dhe me rreth 160 ulëse, do të jetë funksionale përgjatë vitit dhe do të menaxhohet nga DokuFest. Të ftuar në hapjen solemne të DokuKino ishin Ambasadorë, përfaqësues të Komunës së Prizrenit, personalitete nga sfera e artit në Kosovë, dhe përfaqesues të mediave.

Drejtori Artistik i DokuFest Veton Nurkollari u shpreh shumë i emocionuar për hapjen e kinemasë, duke kujtuar momente nga fëmijërija e tij kur në Prizren kishte dy kinema funksionale, Kino Bistrica dhe Kino Radniku. Nurkollari falënderoi të gjithë ata që e panë rëndësinë e rihapjes së kinemasë në Prizren dhe e mbështetën ëndrrën e themeluesve të DokuFest.

Eroll BIlibani, Drejtor Ekzekutiv i DokuFest u shpreh krenar që më në fund qytetit të Prizrenit po i rikthehet kinemaja e munguar. Bilibani falënderoj Komunën e Prizrenit, Bashkimin Evropian, Ambasadën Norvegjeze dhe Ambasadën e Shteteve të Bashkuara të Amerikës për mështetjen e tyre për ngritjen e kinemasë. Bilibani poashtu theksoi që kjo kinema do të jetë një platformë për qëndrushmërinë e organizatës DokuFest.

I pranishëm në ceremoni ishte edhe Përfaqësuesi Special i Bashkimit Evropian në Kosovë Samuel Žbogar i cili e cilësoj hapjen e kinemasë si një të arritur të rëndësishme. “Ne jemi krenarë që kemi punuar me njerëz frymëzues, që po ia kthejnë ëndrrën Prizrenit. Të gjithë e dinë rrëfimin se si ka nisur DokuFest. Ka qenë një ide për ndryshim të gjendjes në qytet. Pas shumë vitesh angazhimi e pune është arritur përmbushja e kësaj ideje në hapësirën ku jemi sonte.”, tha Žbogar, transmeton Kultplus.

Ambasadori i Norvegjisë në Kosovë Jan Braathu u shpreh se hapja e kinemasë është një zhvillim cilësor për qytetin e Prizrenit. “Tani kinemaja është shtëpi e DokuFestit por edhe kino e qytetit”, tha Braathu.

Ndërsa Jeff Jamison, Zyrtar për çështje publike në Ambasadën e Shteteve të Bashkuara të Amerikës tha ”15 vjet periudhë e gjatë në kalendar, por edhe në aspektin historik të Kosovës. Por sonte kjo po merr fund dhe tani e tutje Prizreni do të jetë qendër e projektimit të filmave”.

Përfaqësuesi i Komunës së Prizrenit Sadik Paqarizi, i cili në projektin e kinemasë kishte rolin si ndërmjetësues mes Komunës së Prizrenit, Bashkimit Evropian dhe DokuFes-it u shpreh i gëzuar se proejkti u përfundua me sukses.

Hapja e DokuKino u përcjell me shfaqjen e filmit Before Midnight nga regjisori Richard Linklater. Ndërsa hapja për publik u bë në orën 21:00 me shfaqjen e filmit “Thor – The Dark World” në teknologjinë 3D. Filmi Thor për momentin është në vendin e dytë të shitjes së biletave në SHBA ndërsa në Kosovë do të shfaqet për herë të parë.

Programi i DokuKino, përveç filmave hollivudian dhe më të ri do të përfshij edhe filmat më të suksesshëm dokumentar të shfaqur në DokuFest si dhe filma të pavarur. Në muajin dhjetor, në repertoarin e kinemasë pritet të shfaqen edhe filmat Before Midnight nga regjisori Richard Linklater, Searching for Sugerman nga Malik Bendjelloul, Filth nga regjisori Jon Baird dhe filmi për fëmijë Niko 2 në 3D, nga Kari Juusonen dhe Jorgen Lerdam. Çmimet e biletave do të jenë prej 2 deri në 4 euro, varësisht nga lloji i filmit.

Më Shumë

Arrestohen dy të mitur për armëmbajtje pa leje në Suharekë

Dy të mitur janë shoqëruar në stacionin policor pasi që gjatë kontrollit të tyre është gjetur dhe konfiskuar një pistoletë me 10 fishekë dhe...

In Memoriam/ Havzi Nela

Puna e tij e parë ishte si mësues në shkollën fillore të Planit të Bardhë, në Mat. Por shumë shpejt u dëbua edhe nga...

Lajmet e Fundit