Forumi i Gruas së LDK-së në Prizren, ka dhuruar një donacion simbolik me material shkollor dhe pajisje të ndryshme për nevoja të fëmijëve të prekur nga sindromi daun në Prizren.
Zyrtaret e Forumit të Gruas së LDK-së në Prizren, sot u solidarizuan me shoqatën e fëmijeve të prekur nga sindroma daun. Kryetarja e këtij forumi, Sadije Osaj- Jakupi, së bashku me disa bashkëpunëtore përmes një iniciative vetjake kanë dhuruar disa pajisje për nevoja të fëmijëve të prekur nga sindromi daun.Ajo me këtë rast tha se fëmijët e prekur nga kjo sëmundje, janë mjaft të talentuar por ata kanë nevojë për përkrahje, dhe për këtë arsye në kuadër të angazhimeve tona kemi ndërmarrë këtë iniciativë për të shprehur solidarizimin tonë me këta fëmijë, theksoi ajo.
Ndërkaq, drejtoresha e shoqatës së fëmijëve të prekur me sindromën daun në Prizren, Sebahate Zeqiri, e vlerësoi të rëndësishëm këtë donacion simbolik për anëtarët e këtij organizmi, të cilët kanë nevojë për mbështetje që ata të integrohen sa më lehtë në shoqërinë tonë, theksoi ajo. Zyrtaret e degës së FG të LDK-së në Prizren, premtuan se edhe në të ardhmen do të mundohen të sigurojnë ndihma të nevojshme për anëtarët e shoqatës që vuajnë nga sindromi daun në komunën e Prizrenit…/tv przreni/