13.8 C
Prizren
E enjte, 28 Mars, 2024

Dramë në ‘Minatori’, Trepça fiton pas dy vazhdimeve ndaj Ponte Prizrenit

 

Trepça ka shënuar fitore ndaj Ponte Prizrenit me shifrat 116:114 (23:31, 28:22, 24:17, 14:19, 9:9, 18:16), në kuadër të javës së 21-të të FIVE STAR Superligës së Kosovës në basketboll, ku fituesi u vendos pas dy vazhdimeve.

Mysafirët e nisën ndeshjen më mirë, duke e fituar çerekun e parë 23:31. Por, kundërpërgjigja e vendasve nuk vonoi shumë dhe me të njëjtën monedhë iu revanshua në periudhën e dytë, 28:22, derisa skuadrat shkuan në pushim me shifrat 51:53.
Lojë e barabartë u zhvillua në periudhën e tretë deri në dy minutat e fundit të kësaj pjese, ku Trepça arrin epërsi prej pesë pikëve, ndërsa rezultati në semafor pas 30 minutash ishte 75:70. Mitrovicasit arritën epërsinë më të lartë 81:72, por Prizreni nuk u dorëzua dhe me një seri të suksesshme kalon në epërsi 81:82. Deri në çastet e fundit të 10 minutave të fundit u zhvillua përballje dramatike, por pa fitues 89:89 dhe ndeshja shkon në vazhdime.

Drama në ‘Minatori’ vazhdoi edhe në vazhdime, por sërish pa fitues. Dy skuadrat shënuan nga nëntë pikë. Lojë interesante u zhvillua edhe në vazhdimin e dytë, por loja e mirë e Ivan Koljeviq ndihmoi Trepçën të shënojë fitore shumë të rëndësishme me shifrat 116:114.

Te Trepça u dalluan Stavros Toutzaiarkis me 30 pikë e 22 kërcime, Ivan Koljeviq me 28 pikë e 11 asistime dhe Drilon Hajrizi me 22 pikë, 11 kërcime dhe shtatë asistime, kurse te Ponte Prizreni u dalluan Divine Myles me 29 pikë e 10 kërcime, Kwame Vaughn me 27 pikë dhe Josh Martin me 15 pikë e 16 kërcime.

Trepça ka tetë fitore dhe 13 humbje, kurse Ponte Prizreni 13 fitore dhe shtatë humbje.

Më Shumë

Parandalohet gara ilegale e shpejtësisë në autostradën “Dr. Ibrahim Rugova” (FOTO)

Njësia për Kontroll të Autostradave në kuadër të planit operativ “Parandalimi i garave ilegale të shpejtësisë”, sot në autostradën ”Dr. Ibrahim Rugova“ në Trudë...

Trepça bindëse ndaj Bashkimit

Klubi basketbollistik Trepça ka shijuar fitoren e 20-të radhazi, duke mposhtur këtë herë Bashkimin me rezultat 92:78 (37:23, 9:25, 23:13, 23:17). Mitrovicasit janë duke vazhduar...

Lajmet e Fundit