Drejtori i ndërmarrjes “Prizren Commerce Group”, Florent Kabashi, vlerëson se Zafir Berisha është kandidati më i duhur për kryetar të Prizrenit.
“Zafir Berisha është i duhuri për të qenë i pari i qytetit, ngase rrethanat aktuale ku jemi tani si qytet, e kërkojnë Berishën”, ka thënë Kabashi.
Këtë vlerësim, Kabashi e ka barë gjatë vizitës që kandidati i Nismës për kryetar të Prizrenit, Zafir Berisha ia ka bërë ndërmarrjes së tij.
“Ideja e përpjekjes politike për të qenë përsëri në garë për kryetar, është konkretisht për t’i ndihmuar qytetarët prizrenas përmes vizionit tonë socialdemokrat dhe për t’i ndihmuar po ashtu komunitetit të biznesit, qofshin ato ndërmarrje prodhuese apo tregtare në përgjithësi”, tha Zafir Berisha.
“Pra i tërë orientimi im qeverisës, ka me qenë krijimi i një klime të favorshme për bizneset dhe lehtësimi i jetës së qytetarëve në Prizren, përmes krijimit të vendeve të reja të punës, gjithmonë në përputhshmëri edhe me programin qeverisës të NISMA për Kosoven”./PrizrenPress.com/