Ish-kryetari i Kuvendit të Kosovës, Jakup Krasniqi ka vendosur të shkruaj sonte në profilin e tij në Facebook për dy lajme interesante, siç i ka quajtur ai. Për Krasniqin sot dy lajme interesante ishin nënshkrimi i marrëveshjes në Bruksel nga Isa Mustafa dhe Aleknader Vuciq. Për të cilën ka thënë se Mustafa po ec gjurmëve të Thaçit.
Kurse, lajmi i dytë interesante për ish-kryeparlamentarin është suspendimi i punëtorit që denoncoi krimin dhe korrupsionin në MPB. Krasniqi këtë veprim e ka quajtur skandaloz.
Ky është postimi i plotë i Krasniqit:
DY LAJME INTERESANTE?!
Sonte KTV-ja njoftoj opinionin për dy lajme interesante. I pari, Kryeministri i Kosovës, Isa Mustafa në Bruksel se bashku me Vuçiqin nënshkruan një marrëveshje e cila ka të bëjë ekskluzivisht me Gjyqësorin e Kosovës, me dezintegrimin e gjyqësorit “unik”. Kështu Kryeministri i “ri” eci pa hamendësuar gjurmëve të paraardhësit të tij. A e dinë Kryeministri se Gjykatat janë te Kosovës?
Lajmi i dytë, edhe më skandaloz se i pari. Suspendohet punëtori që denoncoi krimin dhe korrupsionin në MPB, e në anët tjetër avancohen keqpërdoruesit?!!! Skandali me Pasaportat po vazhdon. Kjo tregon se edhe Qeveria e “re” është kapur nga krimi?! A kështu integrohet vendi në BE? A kështu ndërtohet shteti i se drejtës? Kështu ju doni ta zhvilloni vendin? Kështu do ta ndalni shpërnguljen me të turpshme?
Me këto veprime veç shpërnguljes, qytetarëve nuk do tu afroni asgjë të ndershme e njerëzore.