Gjykata Themelore në Prizren ka caktuar paraburgimin 12 të pandehurëve të dyshuar për trafikim me njerëz.
Komunikata e plotë dhe pa ndërhyrje e Gjykatës në Prizren
Gjyqtari i Procedurës Paraprake – Departamenti Për Krime të Rënda i Gjykatës Themelore të Prizrenit vendosi që ndaj të pandehurve S.Kastrati, nga Prizreni, H.Limaj, nga Ferizaji,G.Mallaku,nga Prizreni, B.Morina, nga Prizreni, T.Koroleva, nga Republika e Rusis, qyteti Samara, A.Rexha, nga Repubilka e Shqipërisë, qyteti Tirana, K.Rexha, nga R.SH,qyteti Tirana, R.Kryeziu, Republika e Shqipërisë qyteti Tirana, F.Patrioti, Republika e Shqipërisë qyteti Tirana, D.Milojkoviç, nga Republika e Serbisë, qyteti Nish, M.Kerstiç. Republika e Serbisë, qyteti Nish, J.Zarkov. R.S. qyteti Nish, iu caktohet paraburgimi, për shkak të dyshimit të bazuar se kanë kryer veprat penale,trafikim me njerëz nga neni 171 par.1 dhe 3 të KP-së, mundësimi ose detyrimi në prostitucion, detyrimi i personit tjetër të angazhohet në prostitucion, nga neni 241 par.1 dhe 3 të KP-së, ofrimi i lokaleve për prostitucion, nga neni 242 par.1 të KP-së, pjesëmarrja ose organizimi i grupit kriminal të organizuar, nga neni 283 par 1 dhe 2 të KP-së, dhe veprës penale shpërlarjeparash nga neni 32 i ligjit 03/L-196 mbi parandalimin e shpërlarjes së parave dhe Financimi i terrorizmit i datës 03.09.2010 i shpallur me datën 18.10.2010.
Të pandehurit do të mbahet në paraburgim në kohëzgjatje prej 1 (një) muaji, i cili do të llogaritet prej kohës së ndalimit, data 15.07.2015 në ora 03:30 dhe do të zgjasë deri me datën 14.08.2015.
Gjyqtari i Procedurës Paraprake e miratoi kërkesën e Prokurorisë Speciale të Republikës së Kosovës e cila kërkoi mbajtjen në paraburgim të pandehurve.
Të pandehurit dyshohen për shkelje të Kodit Penal , sepse si anëtar të grupit të organizuar kriminal për disa vite kanë shfrytëzuar lokalet ose kafenetë ,, MATRIX-M,,, ,,AMADEUS,, dhe ,, BAR NIKI,, për trafikim të femrave dhe shfrytëzim seksual, dhe për rekrutimin e femrave është shfrytëzuar e pandehura T.K. e cila është e punësuar si kameriere në kafenenë ,, MATRIX M,, dhe dyshohet se mjetet materiale të përfituara i kanë transferuar në llogarit bankare jashtë Kosovës. Duke pasur parasysh peshën e veprave penale të cilat janë të natyrës dhe rrezikshmërisë së rëndë, rrethanat në të cilat janë kryer veprat penale, mënyra e kryerjes në vazhdimësi dhe të organizuar në grup, Gjykata Themelore e Prizrenit iu cakton paraburgimin në kohëzgjatje prej 1 muaji.