Aktori i njohur, Brad Pitt, u zu me të birin, Maddox, gjatë një fluturimi për në Francë.
Duket se kjo ka qenë arsyeja që i ka vendosur kapakun vendimit të Angelina Jolie për t’u divorcuar nga i shoqi.
Më herët ishte raportuar se Pitt po hetohet nga autoritetet për dhunë fizike dhe verbale ndaj fëmijëve.
Një burim tha se aktori dhe djali i tij 15-vjeçar u zunë për arsye që ende nuk dihen.
Por burimi tha se aktori nuk e preku djalin me dorë.
Megjithatë në hetim është përfshirë edhe FBI.
Në një deklaratë për shtyp, FBI thotë se po mbledh fakte pas dyshimeve për një sherr në një avion ku udhëtonte Pitt dhe fëmijët.
Të enjten, një makinë policie u filmua tek banesa e familjes.
Çifti ka gjashtë fëmijë, tre prej tyre të adoptuar.
Divorci i Angelina Jolie me të shoqin ka pushtuar faqet e para të mediave.
Disa kritikë thonë se ky mbulim është i tepruar, në kohën kur në botë ka kaq shumë kriza e konflikte për t’i trajtuar mediatikisht. /Mapo