Kandidati për kryetar të komunës së Malishevës, Ekrem Kastrati, ka publikuar listën e kandidatëve për asamblenë komunale të Malishevës.
Kastrati listën prej 34 kandidatëve e ka bërë publike në fshatin e tij të lindjes në Turjakë në prani të kryetarit të Nismës Socialdemokrate, liderit Fatmir Limaj, të strukturës drejtuese të degës dhe kryetarëve të nëndegëve.
Njoftimi i plotë i Kastratit:
Sonte, në vendlindjen time, në Turjakë, në prani të kryetarit të Nismës Socialdemokrate, liderit tonë z. Fatmir Limaj, të strukturës drejtuese të degës dhe kryetarëve të nëndegëve e kemi bërë prezantimin e kandidatëve për Asamble Komunale për zgjedhjet e 17 tetorit.
Gara jonë për mandatin e 3-të në Malishevë do të jetë më e lehtë kur pjesë kësaj grupe fituese do të jenë këto vajza e djemë të përgatitur profesionalisht dhe të gatshëm për të bërë ndryshime pozitive për Malishevën.
Me fitoren tonë më 17 tetor, të gjithë bashkë do të fillojmë një etapë të re të angazhimit tonë kolektiv për Malishevën që duam . Në këtë kohë aspak të lehtë për vendin, pikërisht këto janë momentet kur familja dhe vendi nxjerrë në skenë të veçantit, për t’i dhënë drejtim komunitetit dhe vendit ku jetojnë dhe veprojnë, dhe të tillë janë pikërisht kandidatët tanë për Asamble Komunale.
Me fitoren tonë në zgjedhjet e 17 tetorit në Malishevë, ne do të jemi adresa e parë për të gjitha kategoritë e njerëzve në nevojë, ne do të jemi zëdhënës të tyre dhe për asnjë moment nuk do të ndalemi derisa të bëjmë më të mirën, derisa qytetarët tanë të ndihen të lumtur e krenar me punën dhe përkushtimin tonë.
Kërkova nga gjithë të kandidatët për Asamble, që të angazhohemi maksimalisht, me takimet bashkëbiseduese me qytetarët tanë, për t’ju prezantuar programin tonë politik për qeverisjen e komunës edhe për 4 vitet e ardhshme nën drejtimin e Nismës Socialdemokrate për t’i dhënë vulën përfundimtare transformimit zhvillimor të qytetit të Malishevës.
Kjo është lista jonë fituese që do ta bëjë Malishevën më të mirë dhe qytetarët e saj më krenarë.
- Ekrem Kastrati – Kandidat për Kryetar
1. Hajdin Berisha – Bartës i Listës
2. Arbëreshe Krasniqi
3. Avdi Morina
4. Sylë Dukolli
5. Rukije Bytyqi
6. Halil Morina
7. Valon Mazreku
8. Blerim Thaçi
9. Besartë Ramaj
10. Astrit Sertolli
11. Bashkim Krasniqi
12. Gentianë Hoti
13. Safet Morina
14. Hasim Rudi
15. Fatime Limaj
16. Bashkim Berisha
17. Jahir Xhylyqi
18. Shkendije Hoxhaj-Bytyci
19. Ismet Krasniqi
20. Vllaznim Krasniqi
21. Donjetë Kastrati
22. Amrush Helshani
23. Imer Berisha
24. Agnesa Pintolli
25. Urim Thaçi
26. Burim Begaj
27. Erleta Kryeziu
28. Musli Zulfaj
29. Amrush Gashi
30. Fjoralba Dobruna
31. Gëzim Krasniqi
32. Ardit Paqarizi
33. Egzonë Bytyqi
34. Ibrahim Mazreku.
